सुदुरपश्चिम खबर सम्बाददाता
पुनर्वास
सिँगो सुदुरपश्चिमका समसामयिक विषयबस्तुको उठान गर्दै कञ्चनपुरको दक्षिणी क्षेत्रमा दैनिक रुपमा प्रकाशन हुने विश्व खोज दैनिक पत्रिकाले ११३ औं अन्तराष्ट्रिय श्रमिक महिला दिवस मनाईएको छ ।
बुधबार दैनिकको शाखा कार्यालय पुनर्वास नगरपालिका–३, आई. बी. आर. डी. मा कार्यरत ४ जना महिला कर्मचारीहरुलाई सम्मान गरी नारी दिवस मनाईएको हो ।
मिठो परिकार खुवाउँदै दोसल्ला सहित दैनिकका कार्यकारी सम्पादक हरिलाल जोशी र सह–सम्पादक केशव भट्टराईले उनीहरुलाई दोसल्लाले सम्मान गरेको थियो ।
सम्मान पश्चात दैनिकका सह–सम्पादक तथा कार्यकारी सम्पादकद्वोयले थिचोमिचोमा हैन समाजमा हुने महिला प्रतिका विभेदपूर्ण व्यवहारको अन्त्य गर्दै महिलाको हरेक समस्यालाई मिडिया मार्फत बुलन्द आवाज गरी सक्रिय भई लाग्न अनुरोध गर्नुभएको थियो ।
अहिले पनि दक्षिणी क्षेत्रमा महिला पत्रकारहरुको संख्या निकै न्यून छ । तपाईहरु बजार प्रतिनिधिका रुपमा मात्रै सिमित नरहेर समाज रुपान्तरण गर्ने एक साहसी महिला पत्रकारका रुपमा उभिनुपर्ने कुरालाई जोड दिनुभएको थियो ।
समुदाय स्तरमा दबिएर रहेका कुरिती, कु–संस्कार, हिँसा, अत्याचार लगायतका विषयलाई उठान गरी सञ्चार माध्यमका तर्फबाट समाधान गर्ने ध्येयका साथ सो दैनिक पत्रिका र अनलाईन मिडियालाई स्थापना गरिएको हो ।
कमेन्ट गर्नुहोस्