लाल बहादुर एस.के.
पुनर्वास
कञ्चनपुरकाे पुनर्वास नगरपालिकामा पनि ११३ औं अन्तर्राष्ट्रिय नारी दिवस मनाईयाे । पुनर्वासमा सांस्कृतिक कार्यक्रम सहित रक्तदान गरी कार्यक्रम मनाईएकाे हाे ।
'लैंगिक समानताको बलियो आधारः सिर्जनात्मक प्रविधिमा महिला पहुँचको विस्तार’ भन्ने नाराका साथ कार्यक्रम गरिएको हाे । कार्यक्रममा २७ जनाले रक्तदान गरेका थिए । नारी दिवसको अवसरमा २६१ जनाकाे आँखा चेकजाँच गरिएको थियाे । कार्यक्रममा समुदायको विकास तथा सकारात्मक रुपान्तरणमा बिशेष भुमिका खेल्ने महिलाहरुलाई सम्मान समेत गरिएकाे छ ।
प्रमुख अतिथीकाे आसनबाट बाेल्दै पुर्व खानेपानी मन्त्री बिना मगरले विभेद पूर्ण ब्यवहार रहदा सम्म समाजमा महिलाकाे अधिकार सुनिश्चितता नरहने बताउनु भयाे । हक अधिकार नारामा मात्र सिमित रहेकाले नेपाली महिलाको अवस्था परिवर्तन हुन नसकेकाे बताउनु भयाे । छोरालाई बोर्डिङमा पढाउने र छोरीलाई सरकारी बिद्यालयमा पढाउने परम्पराकाे अन्त्य हुनुपर्नेमा पुर्वमन्त्री मगरले जाेड दिनु भयाे ।
कार्यक्रमका सभापति पुनर्वास नगरपालिकाकी उपमेयर भुलिया कुमारी राना रहनुभएको थियो भने कार्यक्रमका बिशिष्ट अथितिमा पुनर्वास नगरपालिकाका नगरप्रमुख ताेय प्रसाद शर्मा तथा पुर्व उपप्रमुख शारदा बिष्ट धामी रहनुभएको थियो ।
कमेन्ट गर्नुहोस्