लाल बहादुर एस.के.
पुनर्वास
कञ्चनपुरकाे पुनर्वास ८ क गाउँमा रहेकाे बागिश्वरी माविकाे ५१ औं वार्षिकोत्सब तथा अभिभावक दिवस साेमवार सम्पन्न भएकाे छ ।
कार्यक्रममा बाेल्दै नगरप्रमुख ताेयप्रसाद शर्माले स्थापना काल देखि आज सम्म विद्यालयले धेरै प्रगति गरेकाेमा प्रशंसा गरेका छन । विगतमा २८ लाख घाटामा गएकाे विद्यालयकाे प्रशासनिक सुधार पछि अहिले मुनाफामा गएर भाैतिक विकास गरिसकेकाे बताए । विद्यालयले खेलकुद बिकासमा समेत धेरै प्रगति गरेकाे छ । खेल सँगसँगै बालबालिकालाई अनुशासित बनाउन जरुरी रहेकाे बताए । विद्यार्थी सँख्या अनुसार सरकारले शिक्षक दरबन्दी पनि बढाउनु पर्ने नगरप्रमुख शर्माले बताए ।
त्यसैगरी कार्यक्रममा बाेल्दै नगर उप-प्रमुख भुलिया कुमारी रानाले जिल्लामै विद्यालयकाे नाम चिनाउन सफल भएकाेमा धन्यवाद प्रकट गरीन । विद्यार्थी मिहेनती र अनुशासित भएकाे बताईन । पढाई बाहेक अन्य क्रियाकलापमा विद्यार्थीलाई सहभागी गराउनु पर्नेमा जाेड दिईन । यस क्षेत्रमा थुप्रै बालबालिका दुर्व्यसनीमा फसेका छन । तिनिलाइ नियन्त्रण गर्न जरुरी रहेको समेत बताईन । पुरस्कारले विद्यार्थीलाइ प्राेत्साहन मिलेकाे छ । पढाई सँगसँगै अनुशानलाई पनि अनुसरण गर्न जरुरी रहेकाे उप-प्रमुख भुलिया कुमारी रानाले बताईन ।
