लाल बहादुर एस के
पुनर्वास
उद्याेग बाणिज्य संघ पुनर्वास शाखाको चाैंथाे अधिबेशन बुधबार सम्पन्न भएको छ । कार्य समिति चयनमा सहमति नजुटे पछि अध्यक्ष पदका लागि राजकुमार रायमाझी र भरत बिष्ट कसरतमा छन ।
राज कुमार रायमाझी पनि संस्थालाई स्थापित गर्न आफ्नाे अहम भुमिका रहेकाे बताउनु हुन्छ । साना ठुला व्यापारीकाे पिडालाइ आफुले भाेगेकाले व्यापारीकाे हितमा काम गर्ने बताउनु हुन्छ । रायमाझी वर्तमान समितिकाे बरिष्ठ उपाध्यक्ष पदमा रहि सक्रिय रुपमा काम गर्दै आईरहेका छन। पुनर्वासमा उद्याेग बाणिज्य संघकाे स्थापन गर्न आफुले निकै संघर्ष गरेकाे उनी बताउछन ।
त्यसैगरी अध्यक्षमा भरत बिष्टकाे पनि दाबि रहेको छ । उद्याेगी ब्यवसायीकाे हक हितमा काम गर्न र संस्थालाई चुस्त दुरुस्त बनाउन अध्यक्ष पदमा आफ्नाे दाबी रहेकाे भरत बिष्ट बताउनु हुन्छ । सिमा क्षेत्रमा हुने तस्करीका कारण पुनर्वासका व्यापारी धारासायी बन्दै गएकाले यसलाई नियन्त्रण गर्ने आफ्नाे मुख्य याेजना रहेकाे बिष्ट बताउछन । सामाजिक काममा लागि रहने बिष्ट ईटा ब्यवसाय पनि गर्दै आएका छन ।
कमेन्ट गर्नुहोस्