Trending Now: पुनर्वास १० मा गठबन्धनको तर्फबाट एकीकृत माओवादीका सुक देव राना दोस्रो कार्यकालका लागि निर्वाचित पुनर्वासको १० नम्बर वडामा चुनाव स्थगित ! अधुरा योजना पुरा गर्छु : बेलौरी ६ का वडाध्यक्षका उम्मेदवार प्रकाश बडायक अधुरा योजना पुरा गर्छु : बेलौरी ६ का वडाध्यक्षका उम्मेदवार प्रकाश बडायक महिला, बालवालिका, दलित, गरिब, अपाङ्ग र असाहयहरुको हक अधिकारको क्षेत्रमा कलम चलाउँदै आउनु भएका शेरबहादुर सार्की पुरस्कृत मेयर उमेदवार रजत शाहको कृष्णनगर बजारमा घर दैलो कार्यक्रम, जनता उत्साहित अधिकृतलाई निर्वाचन सम्बन्धीत् तालिम सम्पन्न बेलौरी नगरपालिका वडा न ४ मा माओवादी केन्द्रका रामेश्वर न्यौपानेलाई नै किन भोट दिने? यस्ता छन न्यौपानेका चुनावी एजेण्डा कृष्णनगर नगरपालिकामा उप प्रमुख उम्मेदवार विमलेश मौर्यको नाम चर्चामा रा.प्र.का मनोज सापकोटा लाई नै किन भोट दिने? यस्ता छन सापकोटाका चुनावी एजेण्डा

राज्य मन्त्री छाडेको अढाई वर्षपछि अर्थमन्त्री

IMG
सुदुर पश्चिम खबर सम्बाददाता
महेन्द्रनगर
सुदूरपश्चिम प्रदेशका उद्योग, पर्यटन, वन तथा वातावरण राज्यमन्त्रीबाट राजीजामा दिएको अढाई वर्षपछि प्रदेश सभा सदस्य प्रकाश रावल आर्थिक मामिला तथा योजना मन्त्री भएका छन् । भाँसीस्थित जनज्योति क्याम्पसको शेयर विवादमा मुछिएपछि उनले २०७६ कार्तिक मन्त्री पदबाट राजीनामा दिएका थिए ।

‘ममाथि लगाइएको आरोपको निष्पक्ष र सत्यतथ्य छानबिन होस्, छानबिनमा मेरो पूर्ण सहयोग रहने छ, न्याय स्थापित होस् भन्ने मान्यताले राजीनामा दिएको हुँ’ मुख्यमन्त्री त्रिलोभन भट्टलाई बुझाइएको राजीनामा पत्रमा भनिएको थियो ।

राजीनामा दिएको अढाई वर्षपछि शुक्रबार मन्त्री रावलले फेरि मुख्यमन्त्री भट्टकै उपस्थितिमा आर्थिक मामिला तथा योजना मन्त्रीको शपथ खाएका छन् । समाजवादीका नेता तारालामा तामाङ्गलाई विस्थापित गरी उनी मन्त्री बनेका छन् ।

एमालेमा तत्कालिन माधव नेपाल समूहका दुबै नेता पार्टी विभाजनपछि समाजवादी लागेका थिए । एमाले छाडेर समाजवादी जाँदा नै रावलले मन्त्री बन्ने इच्छा देखाएका थिए ।

उनले मन्त्री बन्नका लागि काठमाडौ गएर समाजवादीका अध्यक्ष माधव कुमार नेपाललाई समेत भेटेका थिए । मन्त्री नभएपछि उनले आफू निकटस्थहरुलाई धोका पाएको बताउने गरेका थिए ।

एमाले विभाजन हुँदा पनि उनी केही दिन अघि एमालेमा बसेका थिए । मन्त्री पाउन भएपछि मात्रै समाजवादी गएका थिए । एमाले नेता भीम रावलका नातेदार भएकाले उनी समाजवादी नजाने आशंका गरिएको थियो ।

भीमदत्त नगरपालिका ६ ऐठपुरका रावल २०७४ मा एमालेबाट निर्वाचन क्षेत्र नं ३ ‘क’ बाट प्रदेश सभा सदस्य भएका थिए । उनी २०७५ असोज २३ गते प्रदेश सरकारको उद्योग, पर्यटन वन तथा वातावरण राज्य मन्त्रीमा नियुक्त गरिएका थिए । भीम रावल नजिक भएका कारण उनलाई मन्त्री बनाएको भन्दै केहीले आलोचना समेत गरेका थिए ।

एमालेको सुदूरपश्चिम प्रदेश कमिटी सदस्य रावल समाजवादी गएपछि कञ्चनपुर सह इन्चार्ज भएका छन् । उनीसंगै कञ्चनपुरका अर्का प्रदेश साँसद कुलबीर चौधरी भौतिक पूर्वाधार राज्यमन्त्री भएका छन् ।

कमेन्ट गर्नुहोस्