खबर सम्बाददाता
धनुषाधाम
संस्कृति, पर्यटन तथा नागरिक उड्डयन मन्त्री उमाशंकर अरगरियालाई धनुषाधाममा भव्य स्वागत गरिएको छ ।
मन्त्री बनेपछि पहिलोपटक गृहजिल्ला धनुषाको धनुषाधाम नगरपालिकाको एतिहासिक एवम् धार्मिक स्थल धनुष मन्दिरमा आएका मन्त्री अरगरियालाई श्री कुम्हरा युवा क्लबका अध्यक्ष समेत रहेका पत्रकार मुकेश ठाकुरले अबिर माला लगाएर स्वागत गरेका हुन् ।
जसपाका नेता, कार्यकर्ता र नेकपा एमालेका युवा नेता योग कुमार यादवले पनि उनलाई स्वागत गरेका छन् ।जनकपुरधाम देखि १६ किलोमिटरको दुरिमा रहेको धनुषाधाम उनले धनुष मन्दिरमा पूजापाठ पनि गरेका छन् ।
मन्त्रीको पदभार ग्रहण गरेलगत्तै उनले जानकी मन्दिरलाई विश्व सम्पदाको सूचीमा पार्न आवश्यक अध्ययन तथा अनुसन्धानका लागि समिति गठनका लागि पहल सुरु गरे लगतै जानकी मन्दिर संगै धनुष मन्दिरको पनि विकास गर्ने मन्त्री अरगरियाले बताउनुभयो। मन्त्री अरगरियाले धनुषाधामको बिकास बिना जनकपुरधाम अधुरो भएको त्यस कारण धनुषाधाममा पर्यटकीय विकासमा जोड दिने मन्त्री अरगरियाले बताउनुभयो ।
कमेन्ट गर्नुहोस्