कट्टाको झोला प्रयोग गर्दै बसन्त

बाजुराको बसन्त बालमैत्री आधारभूत विद्यालयका सबै विद्यार्थीहरुले कट्टाको झोला प्रयोग गर्दै आएका छन् ।

विद्यालयले पोशाक सँगै झोलामा पनि समानता ल्याउने गरी अनिवार्य गरेपछि विद्यार्थीहरुले कट्टाको झोला प्रयोग गर्दै आएका हुन् ।

गरिब, दलित तथा पीछडीएका वर्गका बालबालिकालाई सहज हुने सस्तो र सुलभ मुल्यमा प्राप्त गर्न सक्ने गरी सरकारले २०४५ साल देखि बाजुराका सबै सरकारी विद्यालयमा पोशाक प्रयोगमा ल्याएको थियो । त्यसै २०६७ साल देखि बसन्त बालमैत्री आधारभूत विद्यालयले पनि थप झोलामा समानाता हुने गरी कट्टाको झोला प्रयोगमा ल्याएको प्रधानाध्यापक बहादुर थापाले बताउनुभयो । उहाँले भन्नुभयो, सबै अभिभावक आर्थिक रुपमा सम्पन्न हुँदैन्न । आर्थिक रुपमा सम्पन्न भएका व्यक्तिहरुका लागि झोला किन्न केही ठुलो कुरा नभएपनि पैसा नहुनेका लागि त्यो कुरा धेरै ठुलो हुन्छ । त्यसैले जसरी विद्यार्थीको पोशाकमा एकरुपता छ, त्यसै गरी झोलामा पनि समानता हुने गरी कट्टाको झोला प्रयोगमा ल्याएको प्रधानाध्यापक थापाले बताउनुभयो ।

 

बसन्त बालमैत्री विद्यालयमा कक्षा ५ मा अध्ययनरत रमिला नेपालीकि अभिभावक सिता नेपालीले भन्नुभयो, गाउँमै मजदूरी गरेर पसलबाट चामल खान्छौ अनी कट्टाको छोरा छोरीलाई झोला सिलाइ दिन्छु । नेपालीले भन्नुभयो, पहिला चार पाँच सय हालेर झोला ल्याउनु पर्दथ्यो, अहिले कट्टाको झोला विद्यालयले अनिर्वाय गरेपछि त्यो पैसाले उनीहरुको कापी, कलम किन्न सहज भएको छ ।

सबै साथीहरुले राम्रो राम्रो झोला बोकेर विद्यालयमा आउथ्ये आफुले ऋण गरेर पनि झोला ल्याउनु परेको थियो । अहिले विद्यालयले चामलको खाली कट्टाको झोला सिलाउनु भनेपछि झोला किन्ने पैसाले कापी कलम किन्न सहज भएको बसन्तबालमैन्त्री विद्यालयका छात्र रमिला नेपालीले बताउनुभयो ।

यस भन्दा पहिला कक्षामा अन्य साथीले राम्रो राम्रो झोला ल्याउन्थे आफुलाइ पनि यस्तै झोला हुन पाए भन्ने लाग्थ्यो अहिले सबैका झोला कट्टाका सिलाउने गरेपछि आफुलाई पनि निकै सहज भएको नेपालीले बताउनुभयो । बुढीगङ्गा नगरपालिकाको २ मा रहेको बसन्तबालमैत्री विद्यालय नगरकै पहिलो बालमैत्री विद्यालय हो ।

भौतिक शैक्षिक क्षेत्रमा विद्यालयले सबै खालको मैत्री पूर्ण बातावरण सृजना गर्दैआएपछि बसन्त आधारभूतबाट बसन्त बालमैत्री विद्यालय भएको प्राधानाध्यापक थापाले बताउनुभयो ।

उहाँले भन्नुभयो, यस विद्यालयमा हरेक कुरामा समानता भएकोले गाउँका अन्य विद्यालयमा पढ्दै गरेका बालबालिका यतै भर्ना हुन आउने गरेका छन् । अहिले यो  विद्यालयमा कक्षा एक देखि ५ सम्म छात्रा ५२  र छात्र ५० गरेर  १०२ वटा छात्रा छात्र अध्ययन गर्दै आएका प्रअ थापाले बताउनुभयो ।

क्याप्सन:- बूढीगङ्गा नगरपालिका –२ मा रहेको बसन्तबालमैत्री विद्यालयका विद्यार्थीहरुले प्रयोग गर्दै आएका कट्टाका झोला । तस्बिर:-शेरबहादुर सार्की /बाजुरा